Submit to FacebookSubmit to Google PlusSubmit to TwitterSubmit to LinkedIn

Замрзнатиот дожд што падна вчера попладне од 17.30 часот направи проблеми на улиците во Велес. Не само во повисоките делови од градот, каде улиците наликуваа на вистински лизгалишта туку поледица имаше и во централното градско подрачје. Замрзнатиот дожд го отежна движењето на граѓаните и на возилата. Службите за одржување на градските улици веднаш фрлија сол и немаше лизгања на возилата на главните сообраќајници. Но поинаква беше состојбата на тротоарите. За кратко време по нив не можеше да се оди.

Иста беше сликата и во споредните градски улици. На повисоките места низ тесните улици и маала граѓаните до утринава не можеа да се симнат во центарот. Слична беше состојбата и во пониските населени места но и во центарот на градот каде се уште има траги од голомразицата. Голем број граѓани побараа помош од итната медицинска помош поради паѓање на мразот. Некои од нив поминаа полесно но имаше и такви кои се здобија со скршеници на делови од телото. Најкарактеристични случаи се скршеници на подколеница кај двајца велешани и набиен колк кај трет пациент.

Дежурните лекари во итната медицинска помош велат дека зголемен е бројот на повици но се не можат да излезат на терен поради непристапноста на улиците. Пациенти кои живеат на улиците Стеван Богоев и јордан Џунов се уште чекаат помош од нив. Освен за скршеници во итната медицинска служба помош побарале и хронично болни со висок притисок и проблеми со срцето.

„Од утрово имаме зголемен број на интервенции. Се јавуваат и хронично болни кои имаат проблеми со срце и висок притисок. Но се уште не можеме да одговориме на повиците од повисоките делови на градот каде се уште има траги од голомразицата. Според евиденцијата на службата синоќа исто така беше зголемен бројот на повици од хронично болни граѓани. Евидентирани се три случаи на повреди стекнати од паѓање. Од нив две се скршеници на надколеница и подколеница и една набивање на колк“, рече д-р Алмедина Хајдарпашиќ од итна медицинска служба.

Надлежните од општината велат дека состојбата денеска е нормализирана. Служби на Јавното комунално претпријатие „Дервен“ фрлиле сол на главните сообраќајници и улици низ градов како и на улиците кои водат до црквите Св: Пантелејмон и Св. Спас. Исчистени од голомразицата се и тротоарите на главната улица. Подготвени за интервенирање се и службите на јавното претпријатие „Македонија пат“, па доколку е потребно и тие ќе се вклучат во расчистување на улиците и сообраќајниците во и надвор од градот./Д.С

 

 

 

SEMM baner MK

Поврзани вести

banerduma

 

 

baner i od veles se moze

E baner

Konsalting Jovevi

С О О П Ш Т Е Н И Е  З А  Ј А В Н О С Т

            Општина Велес ја информира јавноста дека, третото авионско тертирање против комарци ќе го изврши на ден 14 август (петок) 2020 год. во периодот од 0500 до 0630 часот. Доколку временските услови не дозволуваат авионско прскање истото ќе се изврши наредниот ден, 15 август (сабота) 2020 год.

            Границата, на третирањето е: Езеро Младост, с. Отовица, месност Јарбош, по течението на Вардар од север од с. Башино село низ Велес, се до вливот на реката Бабуна и с. Горно Караслари. На запад границата започнува од населбата Превалец, преку населбата Керамидна кон фабриката „Киро Ќучук“ и с. Горно Оризари.

Со третирањето ќе биде опфатено целото градско и приградско подрачје, како и целото течение на реката Вардар на овој потег. И оваа година ќе се третира рекреативниот центар Езеро Младост со непосредната околина.

Се известуваат пчеларите во времето на третирање и 3-4 часа потоа да ги затворат кошниците со пчели, заради можноста од влијание на средството со кое се врши третирањето врз безбедноста на пчелните семејства.

           

                                                                                    Градоначалник

                                                                                    на Општина Велес,

                                                                                    Аце Коцевски

 
   
   
   
   

Најново