Submit to FacebookSubmit to Google PlusSubmit to TwitterSubmit to LinkedIn

Изутринава, додека дождот за кратко престана да врне, неколку Коледарчиња ги посетија домовите на велешани. Предвесниците на раѓањето Христово влегоа во домовите на граѓаните во Дворови. Испеаја неколку коледарски песни и беа наградени со дарови. Во нивните коледарски торбички имаше колачиња, ореви, костени, бадеми, јаболка, сушено овошје. Коледарчињата највесели беа кога ја добиваа паричната награда од домаќините. Песните испеани од грлата на децата одѕвонија низ тесните и кривудести сокаци на маалото. Граѓаните ги отвараа влезните порти велејќи дека им влегува среќа во домовите. Внимателно ги слушаа и убаво ги наградуваа.

„Денот е убав иако годинава над градот натежнаа облаци и секој момент се очекува дожд да заврне. Сепак децата се благословени од Бога и еве ги ни дојдоа во домовите за да ни навестат дека еден ден не дели од најголемиот христијански празник, Божиќ,“ рече Нада.

Таа е меѓу најстарите домаќинки во маалото. Ни порача штом се испратат Коледарчињата треба да се започне подготовката на бадниковата трпеза. На неа секако треба да го има бадниковото лепче со паричка за среќа. Вечерва велешани на трпезата ќе имаат зелник со праз, посна сарма, пржена риба, леблебија, суво овошје, печена тиква. Салатата од стасана зелка со црвен пипер и испечени суви чушки од кои ќе направат толчениот пинџур во кој ќе стават истолчени ореви, неколку чешлиња лук, малку домата и ќе го прелеат со зовриено масло за јадење се исто така традиционални јадења.

Се ова треба да се приготви најдоцна до 19 часот бидејќи тогаш семејството седнува на трпезата. Кршењето на лепчето е најочекуваниот момент и неизвесен за сите затоа што секој очекува да го добие парчето од лебот во кое се наоѓа паричката. Најсреќниот ќе ги добие парите што претходно сите членови на семејството ги оставиле на трпезата./У.Ј

 

 

SEMM baner MK

Поврзани вести

banerduma

 

 

baner i od veles se moze

E baner

Konsalting Jovevi

С О О П Ш Т Е Н И Е  З А  Ј А В Н О С Т

            Општина Велес ја информира јавноста дека, третото авионско тертирање против комарци ќе го изврши на ден 14 август (петок) 2020 год. во периодот од 0500 до 0630 часот. Доколку временските услови не дозволуваат авионско прскање истото ќе се изврши наредниот ден, 15 август (сабота) 2020 год.

            Границата, на третирањето е: Езеро Младост, с. Отовица, месност Јарбош, по течението на Вардар од север од с. Башино село низ Велес, се до вливот на реката Бабуна и с. Горно Караслари. На запад границата започнува од населбата Превалец, преку населбата Керамидна кон фабриката „Киро Ќучук“ и с. Горно Оризари.

Со третирањето ќе биде опфатено целото градско и приградско подрачје, како и целото течение на реката Вардар на овој потег. И оваа година ќе се третира рекреативниот центар Езеро Младост со непосредната околина.

Се известуваат пчеларите во времето на третирање и 3-4 часа потоа да ги затворат кошниците со пчели, заради можноста од влијание на средството со кое се врши третирањето врз безбедноста на пчелните семејства.

           

                                                                                    Градоначалник

                                                                                    на Општина Велес,

                                                                                    Аце Коцевски

 
   
   
   
   

Најново