Submit to FacebookSubmit to Google PlusSubmit to TwitterSubmit to LinkedIn

Pinev fin

31.07.2020

Во најтешките моменти на велешкото семејство Пиневи, загуба на сопруг, татко и син, тие одлучија да бидат донори на два бубрега и срце. Со нивниот хуман гест ќе можат да спасат два животи, затоа што има граѓани кои чекаат на трансплантација на бубрег но, за жал не и трет, на срце поради тоа што во државата нема во моментов компатибилен пациент.

Ова го изјави министерот за здравство Венко Филипче кој прв се заблагодари за покажаната хуманост на семејството Пиневи кога соопшти дека утрово на Клиниката за Урологија биле експлантирани два бубрега од 46 годишен пациент кај кого вчера беше потврдена мозочна смрт.

--Во моментов, во тек е првата трансплантација на бубрег кај 35 годишна девојка која веќе неколку години е на дијализа, по што ќе следи и втората трансплантација. За жал, овој пат немавме соодветен примател на срцето и тоа нема да биде трансплантирано. Се заблагодарувам на семејството на донорот, кое во моментите на најголема болка одлучи да ги донира органите и да спаси уште најмалку два животи-изјави Филипче.

Погребот на Борче Пинев (46) е закажан за утре, сабота 1 август, во 12 часот на новите градски гробишта во Раштани, крај Велес.

Пинев во изминатите осум години ја извршуваше функцијата државен правобранител за подрачје Велес. Тој почина вчера претпладне откако пет дена се борел за живот на КАРИЛ во Скопје. Несреќата во која се здоби со тешки повреди на главата се случи на 25 август кога се обидел да исече гранка на дрво што му пречела на прозорец од неговиот стан. Пинев се лизнал и паднал.

Борче Пинев беше сопруг и татко на две малолетни близначки, шестооделенки во Велес./С.А

 

 

SEMM baner MK

Поврзани вести

banerduma

 

 

baner i od veles se moze

E baner

Konsalting Jovevi

С О О П Ш Т Е Н И Е  З А  Ј А В Н О С Т

            Општина Велес ја информира јавноста дека, третото авионско тертирање против комарци ќе го изврши на ден 14 август (петок) 2020 год. во периодот од 0500 до 0630 часот. Доколку временските услови не дозволуваат авионско прскање истото ќе се изврши наредниот ден, 15 август (сабота) 2020 год.

            Границата, на третирањето е: Езеро Младост, с. Отовица, месност Јарбош, по течението на Вардар од север од с. Башино село низ Велес, се до вливот на реката Бабуна и с. Горно Караслари. На запад границата започнува од населбата Превалец, преку населбата Керамидна кон фабриката „Киро Ќучук“ и с. Горно Оризари.

Со третирањето ќе биде опфатено целото градско и приградско подрачје, како и целото течение на реката Вардар на овој потег. И оваа година ќе се третира рекреативниот центар Езеро Младост со непосредната околина.

Се известуваат пчеларите во времето на третирање и 3-4 часа потоа да ги затворат кошниците со пчели, заради можноста од влијание на средството со кое се врши третирањето врз безбедноста на пчелните семејства.

           

                                                                                    Градоначалник

                                                                                    на Општина Велес,

                                                                                    Аце Коцевски

 
   
   
   
   

Најново