Submit to FacebookSubmit to Google PlusSubmit to TwitterSubmit to LinkedIn

Fokus1 fin

22.09.2020

Формирање на Советот на млади на Општина Велес, анкета и изјаснување на средношколците каков вид на настава сакаат во четирите училишта во услови на Ковид-19, училишта со шкафчиња за ученичка опрема, современ инвентар и опремени кабинети со нови технички помагала, лифтови и пристапни рампи за соучениците со посебни потреби, реновирани тоалети со средстав за лична хигиена, разделени женски од машки во ОСУ„Јовче Тесличков“ и опремени за одржување на менструална хигиена. Ова се само дел од приоритетите по мерка на средношколците во Велес.

Ivana fin

-И Средношколските заедници треба да бидат составени од ученици по наша мерка, значи наши предлози а не по избор на професорите или директорите. Ние сме волонтери, затоа на насловната страница на флаерот напишавме „Ајде да волонтираме!“ затоа што сметаме дека еден дел од поминатото време на телефон и интернет можеме да го резервираме за убави и општокорисни работи. На пример општината да определи површина на која ќе го засадиме првиот парк со лаванда. Ќе ја негуваме и одгледуваме и бербата со помош на обучени жени, креативки, на Фондација Фокус ќе искреираме и создадеме вреќички во кој ќе го собираме родот. Тие можат да се продаваат во суверниците што ќе ги отвори Општина Велес во рамки на проектот „Езеро Младост – паметно езеро“ а средствата од продажбата ќе ги уплаќа на посебна сметка на фондацијата. Така ќе можат да се инвестираат во нови паркови со лаванда, лалиња или други билки кои повторно ќе се продаваат, рече Ивана Мирчевска секретар на Клуб на млади на Фондација Фокус.

Средношколците на синоќешниот настан го чекаа градоначалникот Аце Коцевски за да ги соопштат своите приоритети и да дебатираат со цел тие да влезат во приоритетите на општината. Коцевски поради седницата на Советот на Општината, која почна со задоцнување не дојде, па сега средношколците ќе ги достават по пошта. Ќе ги чекаат и јавните расправи за програмите и буџетот на Општина Велес за 2021 година кога имаат намера да ги предложат и да ги бранат.

Monika fin

-Ние сметаме дека се потребни кампањи против расна, верска, политичка нетрпеливост особено на социјалните мрежи и исто така борба против наркотичните средства. Во исто време сме подготвени за пошумување на голините околу градот, сакаме и велосипедски патеки и згрижување на напуштени или бездомни кучиња. Засега ги исселектиравме овие приоритети на кои работевме во изминатите 15 дена. Имаме и други предлози но тие ги чуваме за подготовка на проектни апликации за да обезбедиме финансиски средства и да ги реализираме, рече Моника Алтиева од Клубот на млади на Фондација Фокус.

Дел од барањата, за кои е надлежна државата, средношколците ќе ги испратат до министерството за образование.

Настанот беше организиран според протоколите за заштита од Ковид-19.

Srednoskolci fin

Првите 10 приоритети се дел од двете акции што средношколците ги детектираа во акциите што ги спроведоа во рамки на проектот „Младите и европските вредности“ на Коалиција на младински организации „Сега“. Проектот е финансиски поддржан од Генералниот секретаријат на Владата на Северна Република Македонија преку програмата за финансиска поддршка на здруженија и граѓани./С.А

 

 

SEMM baner MK

Поврзани вести

banerduma

 

 

baner i od veles se moze

E baner

Konsalting Jovevi

Основен суд Велес, врз основа на чл.38 ст.3 од Законот за судовите (Сл.весник на РСМ бр.58/06), чл.7 од Законот за изменување и дополнување на Законот за судовите (Сл.весник на РСМ 83/2018) и Одлуката бр.02-2158/1 од 10.12.2015 година на Судски совет на Република Северна Македонија (Сл.весник на РСМ бр.219/15 од 14.12.2015 година), а во врска со потребата од избор на судии поротници поради истек на мандатот на ден 14.11.2020 година, на ден 29.10.2020 година, го објавува следниот:

 

О Г Л А С

за избор на 30 судии-поротници во Основен суд Велес

  1. Кандидатот за судија - поротник потребно е да ги исполнува следните услови:
  1.   да е полнолетен државјанин на Република Северна Македонија
  2. да има завршено најмалку средно образование
  3. активно да го владее македонскиот јазик
  4. да ужива углед за вршење на функцијата судија-поротник
  5. да не е постар од 60 години.
  1. За судија-поротник не може да биде избрано лице кое со судијата или судијата-поротник во истиот суд е во сродство во права линија или во странична линија до трет степен или е негов брачен другар, ниту лице кое со член на Судски совет на РСМ е во сродство во права линија или во странична линија до трет степен или е негов брачен другар.

            III. Заинтересираните кандидати потребно е да поднесат пријави и документи и тоа:

            -Диплома за завршено образование (оригинал или заверена на нотар),

            -Уверение за државјанство (не постаро од 6 месеци),

            -Потврда од казнена евиденција (издадена од суд според местото на раѓање, не постара од 6 месеци).

  1. Пријавата со потребните документи и телефон за контакт да се достават до Основен суд Велес (на приемна писарница или преку пошта со препорачана пратка) на адреса ул.„8-ми Септември“ бр.53, во рок од 15 дена од објавувањето на огласот.

                                                                                                                                                            Основен суд Велес

                                               

 
   
   
   
   

Најново