Се стресе тлото на Македонија, регистриран земјотрес
Објавено: 28 мај, 2024, во 12:57 часот
Денеска бил почувствуван земјотрес на територијата на Македонија. Според информациите на Европскиот медитерански сеизмолошки центар со седиште во Франција, земјотресот бил со јачина од 2,4 степени според Рихтер.
Епицентарот на земјотресот бил на 21 километар северозападно од Скопје и 16 километри југоисточно од косовскиот град Витина.
Потресот се случил на длабочина од 8 километри.
Нема информации за причинета материјална штета.
