Промоција на албумот „Аscend“ на Горан Таневски во кавадаречки Дом на култура

Во Галеријата при Домот на културата “Иван Мазов – Климе“ во Кавадарци, утре вечер, 29 јануари, ќе се оддржи акустична промоција на новиот албум на Горан Таневски “ASCEND”.
Горан Таневски по објавувањето на сингловите „Wish a man“ и „Среќен ден“ го објави албумот „Ascend“, кој е веќе достапен на стрим сервисите.
Неодамнешниот соло проект на Таневски, „ASCEND“, го означува првиот албум од трилогијата “Среќен сум дури и без себе” , одраз на неговите сопствени животни фази.
„ASCEND“ ја доловува енергичната суштина на младоста, каде што идеализмот и имагинацијата се среќаваат со реалноста на животот. Ова дело ги поканува слушателите да се поврзат со темите на издржливост, верба во себе и непопустливиот дух на младоста, недопрени од илузии за „брз живот“ или морален компромис.
„ASCEND“ повик е да го зачуваме интегритетот на духот, држејќи се до нашите соништа и вредности.
Влезот е слободен.

Стефани Манева