Тригодишното дете, тешко повредено е во сообраќајна незгода пред пекарница „Виг“ и итно пренесено на Клиника за Неврохирургија во Скопје

Екипа на Итна медицинска помош го затекнала повреденото дете како лежи, на коловозот на улица „Благој Ѓорев“ спроти Младински парк помеѓу два автомобили и непосредно до тротоарот.

-Неговата здравствена состојба беше исклучително тешка. Детето на возраст од три години ја имаше изгубено свеста. Прво што сторивме беше интервенција во која го обезбедивме дишниот пат а потоа го мобилизиравме и веднаш го транспортиравме на Ургентен центар во Општа болница Велес, рече др Славица Нешова Пановски.

По прифаќањето во велешка болница над три годишното дете лекарите извршиле преглет и итни ренгенолошки како и снимања на Компјутерски томограф.

-Резултатите од снимањата ги потврдија првичните сомневања на лекарите специјалисти по хирушки болести дека три годишниот пациент има крварење во пределот на главата. Затоа тешко повреденото детенце, на кое му е потребна сериозна помош поради здобиените повреди, со возило за Итна помош е пренесено на Клиника за неврохирургија која е дел од скопскиот Клинички центар, рече др Ванчо Граматов портпарол на Општа болница Велес.

Инаку сообраќајната несреќа се случила попладнево после 16:30 часот на улица „Благој Ѓорев“ и пред пекара „Виг“. Увидна екипа на Сектор за внатрешни работи го спроведе увидот на местото на сообраќајната незгода.

Убавка Јаневска