Издумани Крлевизми: „Овците ги уништивме. Ќе не јаде волкот.“
Објавено: 13 март, 2026, во 10:34 часот
Просторот отстапен за петочните афоризми на афористичарот и сатиричар Атанас Крлевски ви го пренесува минатонеделното творештво на велешанецот инспириран од актуелните секојдневни случувања. Десетте нови афоризми гласат:
„Можеш да бидеш прв и кога си најдобар. Ако жирито е од мајка родено.“
„Манипулаторите си наплаќаат и манипулативни трошоци.“
„Во бракот глумеше несреќна. По разводот нема публика.“
„Кога со светот би владееле жените, постојано би имало предвремени избори.“
„Овците ги уништивме. Ќе не јаде волкот.“
„Правдата ми е во крвта – нулта група!“
„Предавството е копиле на цврстата доверба.“
„Афоризам? Малку писмо – многу ука!.“
„Има правда… ако се истера!“
„Мандатот живее подолго од довербата.“
Вашиот, Атанас Крлевски
