Стигна избирачкиот материјал во ОИК Велес
Државната изборна комисија со комбе на Брза пошта, обезбедувано од полицијата, го донесе денеска избирачкиот материјал во Велес. Преставникот на ДИК им го предаде на членовите на ОИК во Велес. Пакетите со гласачки ливчиња, списоците со податоци на граѓаните по избирачки места и останатиот изборен материјал околу 13 часот веке беше примен од претседателката на ОИК Велес, Емилија Андовска.
Потоа таа заедно со членовите на комисијата ги добија неопходните инструкции од преставникот на ДИК за гласањето во недела. Најголема дискусија водеа околу спроведувањето на гласањето на еден избирач во селото Клуковец. И за него ќе биде спроведено гласање со тоа што најблискиот избирачки одбор, од село Горно Оризари, ќе отиде до селото Клуковец и ќе му овозможи да гласа на овој граѓанин. Дистрибуцијата на гласачкиот материјал ја набљудуваше претставник на МОСТ.
По пребројувањето на избирачките списоци и евидентирањето на податоците, преставникот на ДИК, продолжи кон општина Чашка за да и го предаде гласачкиот материјал на тамошната општинската изборна комисија. До недела, денот на избор на претседател полицијата ќе го чува избирачкиот материјал/Д.С