Екологистите со платформа за Зелена Македонија ќе бараат од политичарите да ги решат десетте жешки точки во државата
Ги детектираа десетте најжешки еколошки точки и понудија решенија. Екологистите од земјава формираа Платформа Зелена Македонија. Ја промовираа денеска во Велес под топилничарската депонија. Очекуваат идните политички власти да се заземат за нив и што поскоро да ги решат.
„Се надевам дека конечно политичарите ќе се вразумат и ќе ги решат еколошките проблеми во земјава, оти ако ние не фи решиме никој од надвор нема да ни ги реши, рече Бардул Марку, ЕД Дешат, Дебар.
„За мене модерен и современ политичар е оној што најбрзо ќе реши еден еколошки проблем. Ако успееме да решиме барем 7-8 од овие точки можеме да кажеме дека сме зелена македонија, рече Игор Смилев, ЕГ Грин Пауер.
Загадувањето на Велес од Топилницата, индустриското загадување на десетици градови во земјава, заштита на националниот парк Маврово и реката Радика, бесправната сеча и загадувањето на Вардар се само дел од еколошки точки за кои експертите понудија решенија во платформата Зелена Македонија.
„Јас искрено се надевам дека политичките партии ќе ги земат во предвид рекациите од дебарско-реканскиот крај и сериозно ќе се заземат за заштита на Националниот парк Маврово и на балканскиот бисер, реката Радика. Очекувам да излезат со став дека воопшто не треба да се гради ништо во атарот на паркот се додека јавноста не се запознае со тоа што се случува таму, рече ЕД Дешат Дебар.
„Во Кавадарци имаме проблем со недоволното информирање за тоа колкаво е загадувањето од големите производствени капацитети. Ние не сме за тоа тие да се затворат туку емисијата на штетните материи да биде во границите на дозволените законски норми, рече Александар Трефов, Еко живот Кавадарци.
Екологистите ќе организираат и средба со политичарите, на 22 април на денот на планетата Земја во Скопје, се со цел да видат какво расположение постои кај нив за решавање на еколошките проблеми во земјава./Д.С