Наместо голи ридови, шумски еколошки предели ќе го опкружуваат Велес
Професори од Шумарскиот факултет во Скопје изнајдоа начин како да опстанат дврјвата засадени на голините на ридот Свети Илија. Денеска засадија стотина садници со бел и црн бор, чемпрес, багрем и даб со ново средство, кое ќе им овозможи да останат здрави и свежи. Средството ја апсорбирало водата од почвата дури 500 пати повеќе од обичниот корен на дрвата.
„Ова средства има спосбност да апсорбира вода и тоа да ја зголеми апсорбционата моќ за 500 пати и попстепено да ја оддава водата во растението кога нема врнежи. Бидејки се работи за обид треба подоцна да се анализира целата работа. Сепак најважно е добро да се обвитка коренот на растението и тоа потоа да му ја испушта водата во него при сушните периоди „вели Стерија Начевски професор на шумарски факултет во Скопје.
Експертите велат дека средството има голема ефикасност. Тоа има разградливи својства и со него растенијата се потхрануваат само во пролетни услови и на локации каде има недостиг на врнежи. Гелот им помага да се прилагодат на новите услови.
„Со текот на времето растението ќе се аклиматизира на овие услови ,но овде не можеме да очекуваме да израсне некоја шума со голема дрвна маса ,туки да подигнеме еден вид еколошки насади. Според климатските услови триаголникот Велес ,Градско и Свети Николе е најсушното место во Европа со полупустински услови и затоа се засадува на оој начин„вели Александар Трендафилов професор на шумарски факултет во Скопје.
За да не се случи да ги снема преку ноќ, садниците ќе ги чува шумската полиција, која ќе има засилени контроли на овој предел од градот.
„Освен природните фактори ,за уништување на овие садници може виновен да биде и човечкиот фактор. Затоа ние ќе ги засилиме контролите на чуварската служба и тие почесто ќе доаѓаат на овој дел од градот„вели Горан Наунчев директор на Ш.С. Бабуна Велес.
Досегашните искуства покажуваат дека со новото средство зафатеноста на дрвцата е за 80 проценти поголема. Освен на врвот Св. Илија, на овој начин ќе се пошуми и Гроот./Д.С