Украден печатот на Oпштинската изборна комисија во Велес
Иако Дума.мк се обиде да добие потврда од претседателката на ОИК Емилија Андовска таа рече дека нема овластување да дава изјави и не упати за официјална информација да се обратиме до Државната изборна комисија.
Информацијата ја потврди портпаролката на Секторот за внатрешни работи во Велес, Анита Стојковска каде кражбата е регистрирана на дваесет и осми февруари, годинава. Печатот заедно со уште неколку документи и други предмети биле украдени од домот на претседателката. Случајот е пријавен како тешка кражба. Но и од таму не кажуваат повеќе детали за кражбата.
Од Државната изборна комисија го потврдуваат случајот. Од таму велат дека украдениот печат е поништен и дека веќе на претседателката и е даден нов печат. Исто така соопштија дека печатот не се чува надвор од просториите на општинската изборна комисија но поради фактот што во Велес комисијата немала постојано место печатот стоел во домот на претседателката./Д.С и Б.Н