Солидарност:Сиромаштијата не го одмина и Велес, јазот меѓу богатите и сиромашните огромен!
Индексот со кој се мери јазот меѓу сиромашните и богатите во Македонија е поголем од сите европски земји како и во земјите од поранешниот Советски Сојуз. Ова беше речено на синоќешната трибина во организција на левичарското движење „Солидарност“ на тема “Богатството и сиромаштијата во Македонија 2008-2012“. Според активистите на ова движење за да се прикаже колкава е разликата постои конкретен пример.
„Највисоката месечна плата која ја зема еден македонец е 87 илјади евра, додека оној што зема минимална плата од 8 000 денари за да ја достигне оваа сума треба да работи 48 години. Така токму овој пример ја отсликува огромната класната разлика, а за да има трупање на толкаво богатство кај само еден човек тогаш секој град мора да има многу сиромаштија со што Велес воопштио не е исклучк. Во земјава има тренд на голема невработеност и сиромаштија“, рече Здравко Славевски од „Солидарност“.
Здружението направило истражување кое следи два процеси осиромашување на многу и збогатување на одреден мал процент луѓе.
„Луѓето мислат дека во време на економска криза таа ги погодува сите заедно, што не е точно. Богатите дополнително се збогатуваат и тоа е нивна шанса а тие тоа го прават. Ние го анализиравме ова и анализа правевме на државни и странски институции со што се покажа дека се помасовна е сиромаштијата а богатството се повеќе е концентрирано во мал број раце. Граѓаните гледаат колку се сиромашни тие и нивните соседи, но она што не го гледаат се фрапантните бројки на богати луѓе кои се изолирани од општеството и се невидливи за населението “, рече Савевски.
Ова што го тврдиме е резултат на свесни политики на една влада велат од движењето. Предлагаат две мерки и тоа буџетскиот товар да се префрли од обичниот човек врз богатите граѓани, бидејќи досега свесно се привилегирани во последните години на сметка на сиромашните.
Мора да има промени и на даночна и буџетска политика и да се контролира како се трошат парите. Според нив државата невидено штеди на социјално загрозените граѓани поради што се зголемува сиромаштијата а ако се води добра социјална политика стапката на сиромаштија би била многу помала./Б.Н.