Извозот на грозје и воведе втора смена на Царинската управа во Кавадарци
Објавено: 21 август, 2013, во 23:00 часот
Во две смени поради извозот на грозје работи од вечерва Царинската експозитура во Кавадарци. Оваа информација ја соопшти лидерот на лозарите Љупчо Аризанов.
– Царинското работење оди во прилог на лозарите и поради извозот на грозје од земјава се одлучи на ваков чекор, што е за поздравување. Нема да се чека наредниот ден и извозот ќе тече без проблеми. Има огромен интерес од странските земји за извоз на нашето грозје бидејќи во некои од тие земји мразот го обра грозјето, а во други сушата зема данок од лозовите насади – рече Аризанов.
Според Аризанов, само преку царинската експозитура во Kавадарци досега се извезени околу два милиона килограми десертно грозје, како и приближно 300 тони винско грозје.
