Запален автомобилот на директорот на прилепски „Комуналец“ (видео)

„На 21.07.2022 во СВР Битола – ОВР Прилеп е пријавено дека околу 01.00 часот на ул„Киро Нацевски Фетак“ настанал пожар во патничко моторно возило „пежо“, со прилепски регистарски ознаки, сопственост на Н.Р.(65) од Прилеп. Пожарот е изгаснат од страна на територијалната противпожарна единица Прилеп, а повредени лица нема. Увид изврши увидната екипа на ОВР Прилеп“, се вели во соопштението на СВР-Битола.

Според порталот Инфокомпас станува збор за автомобилот на директорот на прилепски „Комуналец“, Рубин Абрашоски.

За еден месец во Прилеп се запалени 5 возила, а за потсетување вчера беше опожарено возилото на пратеникот од редовите на ВМРО-ДПМНЕ од Прилеп, Петар Ристески.