Издумани Крлевизми: „Изгубена генерација? Жал за младоста!“

Нови 10 издумани Крлевизми од велешкиот афористичар Атанас Крлевски пристигнаа до редакцијата на Дума.мк. Овој петок крлевизмите „зборуваат“ на повеќе теми, затоа внимателно прочитајте ги и пронајдете го вашиот најдобар афоризам. Уживајте:

1. И по овој пат, во пат позиција!
   
2. Изгубена генерација? Жал за младоста!.
   
3. Не сме во игра, но таа не е наша игра.
   
4. Љубов кон парите – епидемија на третиот милениум.
   
5. И во документарците има режија.
   
6. Книгите тежат. Затоа, читајте!
   
7. Сите добри мети се надвор од мојот домет.
   
8. Преводот му е лош, ама за тоа е виновен транслаторот.
   
9. Англичаните пијат чај попладне, а ние ракија уште в зори. Традиција
   
10. Има излез! Само каде му е влезот?

Афористичар Атанас Крлевски