Младите стрипаџии и даваат шанса на инклузијата, ќе подготвуваат стрипови за пријателства кои ги надминуваат етничките разлики
![](https://duma.mk/wp-content/uploads/2024/03/Logo-finalno-1024x855.png)
Стрип центарот на Македонија од Велес започна со имплементација на Грантот “All we are
saying is GIVE INCLUSION A CHANCE!“ од вториот повик отворен за предлози за Младинскиот меѓукултурен уметнички фонд во рамки на програмата „Градиме нови мостови“ на Мисијата на ОБСЕ во Скопје.
Целта на проектот е да се зајакне капацитетот на младите луѓе без разлика на етничките разлики да користат стрипови како соодветна културна алатка за промовирање на меѓуетнички дијалог, граѓански вредности и борба против дискриминацијата.
Координаторот на проектот Томе Трајков ги соопшти повеќе активности но како прва е стрип талентите да изготват стрипови на тема за прикажување на пријателства што ги надминуваат културните и националните граници хагласувајќи како заедничките вредности можат да ги премостат разликит.
![](https://duma.mk/wp-content/uploads/2024/03/лого-1024x406.png)
-Како и на тема б, фантастични или научно-фантастични светови каде што се спојуваат ликовите од различно културно потекло, формирајќи сојузи и пријателства кои ги надминуваат измислените културни поделби. Овој повик е веќе испратен до сите училишта во државата и трае до 30 март 2024 година. Потоа ќе биде организирана четиридневна едукативна стрип-работилница со избрани 12 млади таленти од различни етнички и географски средини кои заедно со програмскиот координатор и едукаторот треба да ги доработат и усовршат своите стрипови. Публикување на соодветен каталог каде ќе бидат објавени стриповите, а ќе бидат претставени и младите автори, додаде Трајков.
![](https://duma.mk/wp-content/uploads/2024/03/539915_2.jpg)
Проектот е планирано за заврши во месец јуни, годинава и на самиот крај да се направи тематска ФБ група како и организирани пет изложби во различни етнички и географски средини во државата.
Стефани Манева
![](https://duma.mk/wp-content/uploads/2021/05/SEMM.jpg)