Неколку културни настани во Дом на култура „Иван Мазов – Климе“ Кавадарци
![](https://duma.mk/wp-content/uploads/2022/06/11143590_136035786736848_3328105366660239710_n.jpg)
Во наредниот период во организација на Дом на култура следуваат четири културни настани.
![](https://duma.mk/wp-content/uploads/2022/06/288848916_1704469189893492_866454033509811280_n.jpg)
Реприза на претставата “Како да (не) снимиш мрсен филм“ во режија на Диме Коцевски а во изведба на Театар при Дом на култура “Иван Мазов – Климе“ Кавадарци е првиот културен настан којшто ќе се случи утре, среда, 22 јуни со почеток во 20:00 часот.
![](https://duma.mk/wp-content/uploads/2022/06/286900358_1704640686543009_7183127976478961180_n-1024x732.jpg)
Потоа, во четврток, 23 јуни, во рамки на “Кавадаречко културно лето 2022“, ќе се одигра детската претстава “Бајка за најките“ во режија на Димче Бањански, а во изведба на театарската група при Дом на култура “Мирка Гинова“ Демир Капија. Претставата ќе биде одржана во ресторан – тераса „12 Другари“ во месност Моклиште со почеток во 19:00 часот.
Во Дом на култура Кавадарци повторно ќе биде изведена реприза на претставата “Како да (не) снимиш мрсен филм“ во сабота, 25 јуни, со почеток во 20:00 часот.
![](https://duma.mk/wp-content/uploads/2022/06/288644264_1703779033295841_1342606654631561383_n-721x1024.jpg)
Во Галерија при Дом на култура Кавадарци, во понеделник, 27 јуни, ќе се одржи концерт на Страшо Темков и Сара Пројковска насловен како “Тиквешка рапсодија“. Почетокот на овој културен настан е закажан за во 19:00 часот.
Стефани Манева
![](https://duma.mk/wp-content/uploads/2021/05/SEMM.jpg)