Велешанката Емилија Златкова Анастасова го промовираше својот најнов роман „2248“
![](https://duma.mk/wp-content/uploads/2024/03/432236755_934413165138863_4550056836928852743_n-1024x683.jpg)
Пред многубројна публика во медијатеката на Локалната библиотека „Гоце Делчев“, вчеравечер, велешанката Емилија Златкова Анастасова ја промовираше својата нова насловена „2248“. Оваа книга на авторката е четврто дело со детективката Силвија Сиљановска и свештеникот Михаил и се класифицира како крими роман.
![](https://duma.mk/wp-content/uploads/2024/03/432260299_934413655138814_5966996708925950646_n-1024x683.jpg)
Промоторката на книгата Десанка Николова пред присутните појасни дека иако оваа книга е дел од серијалот за детективката Силјановска и свештеникот Михаил, сепак романот „2248“, претставува своевиден независен дел. Исто така додаде дека авторката овој роман им го посветува на сите мајки како осмомартовски подарок.
![](https://duma.mk/wp-content/uploads/2024/03/432222675_934413108472202_7555458828649144649_n-1024x683.jpg)
Авторката Златкова Анастасова упати голема благодарност до сите коишто беа дел од промоцијата и откри дека бројот 2248 којшто е наслов на новата книга нема некое посебно значење за неа.
– Покрај мајката како лик кој се појавува во романот, главен лик е детето Ангел, кое е дете со аутизам. Целта ми е да покажам со што се соочуваат децата со аутизам и нивните семејства“ додаде авторката Златкова Анастасова.
![](https://duma.mk/wp-content/uploads/2024/03/432267043_934413865138793_922878517512923085_n-1024x683.jpg)
![](https://duma.mk/wp-content/uploads/2024/03/432239612_934413315138848_3887335995180970882_n-1024x683.jpg)
![](https://duma.mk/wp-content/uploads/2024/03/432372591_934414025138777_8570795103782549664_n-1024x683.jpg)
За време на промоцијата Марија Бошевска читаше извадоци од романот додека со свои музички точки се претставија Љупчо Стојанов и Дејан Наумов под менторство на професор Илија Настовски од Музичкото училиште „Стефан Гајдов“ од Велес.
Стефани Манева
![](https://duma.mk/wp-content/uploads/2021/05/SEMM.jpg)