22 Меѓународен салон на стрип, оваа среда, во Јуроп Хаус Велес
Објавено: 18 август, 2025, во 15:45 часот
Со отворање на традиционалната изложба од стрипови, годинава и јубилејна, посветена на 15 години од издавањето на балканскиот стрип серијал “ ВЕКОВНИЦИ“ во среда, на 20 август, во Велес ќе се одржи 22 Меѓународен стрип салон . Промотор ќе биде нејзиниот иницијатор и автор, Марко Стојановиќ од Лесковац, Србија којшто е голем пријател на стрип манифестацијата.
На културната манифестацја ќе бидат доделени награди ,дипломи и признанија од годинешниот распишан Стрип конкурс којшто на присутната публика ќе и бидат прикажани на поставена изложба.
22 Меѓународен салон на стрип ќе се одржи во просториите на Европска куќа Велес. Настанот ќе започне во 20:00 часот.
Поддржувачи на овој проект се Министерството за култура и туризам на Република Северна Македонија, Општина Велес,Јуроп Хаус Велес и стрип заедницата од Македонија.
Убавка Јаневска
