ЦУК: Пожарот над село Горно Врановци ќе се гаси со хеликоптер

„Поради зголемена опасност од навлегување на пожарот во квалитетна букова шума, за неколку минути кон пожарот над с. Горно Врановце, Општина Чашка, ќе полета хеликоптер на МВР со големо ведро од 3 тона. Се работи за пожар на поголема надморска височина од над 1.200 метри“, соопшти директорот на ЦУК, Стојанче Ангелов.

Во текот на денешниот ден Ангелов беше дел од хеликоптерско извидување на пожарот на планината Јакупица на просторот меѓу Чашка и Богомила.

Инаку, пожарот во селото избувнал вчера, во доцните попладневни часови кога горела трева, но, пожарот се проширил и на некои места е навлезен во шумата.

Дума.мк