Денеска е последен ден за пријава на креативната работилница во велешката библиотека

Велешката библиотека „Гоце Делчев“ и ова лето ги отвора вратите за уште една незаборавна креативна авантура – работилница „Лето во библиотека“. Од 30 јуни, понеделник па се до 3 јули, четврток, младите велешани ќе имаат можност да уживаат четири креативни и инспиративни денови исполнети со читање, раскажување, илустрирање, цртање и дружење. Преку внимателно осмислени активности, децата ќе можат да ја изразат својата фантазија, да научат нови вештини и да создадат сопствени мали уметнички дела, а сето тоа во топлата и поттикнувачка атмосфера на библиотеката.

-Работилницата е наменета за деца на возраст од 9 до 12 години и нуди едукативна, забавна и креативна програма со активности како цртање, илустрирање, читање и дружење. Целта е да се поттикне љубовта кон книгата и творештвото кај најмладите. Ги покануваме сите дечиња што сакаат да научат нешто ново, да се дружат и креативно да го започнат летниот распуст, да се приклучат на нашата работилница, изјави директорката на библиотеката Снежана Бошевска.

Денес е последен ден за пријавување, затоа не пропуштајте – пријавете го вашето дете на телефонскиот број 075 312 139 или испратете е-пошта на bibliotekaveles22@gmail.com.mk.

Стефани Манева