Заврши колективниот одмор но, работниците на „Дрекслмајер“ не се враќаат на работа

Пo завршување на колективниот платен годишен одмор за најголем дел од околу 5.000 работници во германската фабрика „Дрекслмајер” во Кавадарци беа пуштени на колективен платен годишен одмор тие како превентива од Ковид-19 не се враќаат на работа.

Освен инфективното заболување и епидемијата причина се и откажаните нарачките на автомобилските компоненти што во прецизен временски период им се испорачуваа на клиентите на компанијата. Ако нема нарачки од автомобилската индустрија невозможно е да се реализира производствениот процес кој не произведува залихи.

-Веднаш штом нашите клиенти ќе започнат со нарачки на автомобилски делови, соодветно ќе ги рестартираме производствените капацитети, соопштија од германската компанија.

Почетокот на работниот процес воглавно го диктираат развојот на ситуацијата со светската пандемија како и потребите на автомобилската индустрија. Дотогаш периодот на мирување, „Дрекслмајер” ќе го искористи за подготовки за евентуален почеток на производството со план и начин на работа што обезбедува максимална заштита на здравјето и безбедноста на вработените.

Во „Дрекслмајер” работат над 5.000 работници од повеќе општини во вардарски плански регион а меѓу нив и од Велес како и од Прилеп./А.Д