Се реновира внатрешноста на кавадаречкиот суд
Објавено на 21 мај, 2020 во 13:48
Вработените во Основен суд Кавадарци самоиницијативно се организираа и започнаа активност за реновирање на внатрешноста на судската зграда – информираше денеска претседателот на судот д-р Лазар Нанев.
Се врши целосно реновирање на холовите во зградата, со молеро фарбарски работи, се поставуваат нови врати, а исто така се поставува и нова инсталација која ќе овозможи дигитализација во работењето на судот, со воведување на информатичката технологија во секоја канцеларија.
Од вторник во кавадаречкиот суд се започнува со редовни судења.
А.Д