Пожарникари од Кавадарци заминаа во Турција да помагаат
Објавено: 8 февруари, 2023, во 13:51 часот
Александар Чадамов, Трајков Стојанче, Димков Дончо, Симонов Ване, Јошев Атанас, Дрваров Драган, Манев Тоде, Стојчев Љупче и Зоков Александар се дветтмината пожарникари од ТППЕ Кавадарци кои тргнаа на пат кон Република Турција.
Со две моторни возила и соодветна опрема за заштита и спасување од непогоди, заминуваат да помогнат на населението во реонот зафатен од катастрофалниот земјотрес. Кавадаречките пожарникари ќе бидат таму се додека е потребна помош.
За потребите на пожарникарите кои заминаа за Турција Црвен Крст Кавадарци обезбеди 12 вреќи за спиење, 40 ќебиња и 6 шатори.
А.Д
