Коки: „Народот од власта бара одговори и решенија, а таа му нуди прес конференции и анкетни комисии“
Објавено: 8 декември, 2025, во 11:42 часот
Неделава афористичкото перо на Никола Бошков Коки инспирирано од актуелните случувања како и од вечните теми, љубовта и бракот, напиша девет афоризми. Коки празнично ги става на читање на читателската заедница на Дума.мк:
„Секој ден е нова шанса, ако не за успех, барем за нов изговор.“
„Во трката за партиски лидер, прв на целта секогаш пристигнува…ЕДИНСТВЕНИОТ НАТПРЕВАРУВАЧ !“
„Народот од власта бара одговори и решенија, а таа му нуди прес конференции и анкетни комисии.“
„Актуелниве политичари имаат свое видување за демократијата – секој може слободно да го критикува оној, кој веќе не е на власт.“
„Понекогаш минута тишина со вистинската личност, вреди повеќе од еден час разговор…со погрешната.“
„Првата љубов е ЕВЕРГРИН, сите останати се само хитови.“
„Љубовта е убава работа, но се дотогаш, додека за неа не дознае…сопругата.“
„Добриот брак не се наоѓа, ТОЈ СЕ ГРАДИ !“
„Во бракот нема тајни, туку постојат само добри скривалишта.“
Вашиот, КОКИ
