Млади велешани се едуцираа за болести на зависност

Деведесет минути, волонтери на Црвен крст коишто се членови на Клубот на млади, беа дел од едукативна обука за болести на зависност. Тие се едуцираа и учеа за последиците и негативните страни коишто ги има при употреба на цигари, алкохол и дрога.

-Борбата против болестите на зависнист е програмска определба на Општинската организација на Црвен крст од Велес. Токму затоа во ноември, кој е месец за борба против болести за зависност, планирано е да се одржат повеќе едукации на овие теми за запознавање на младите со сите последници и штетни влијанија на дрогата, алкохолот и цигарите, пишува во соопштението на Општинска организација на РМС- Црвен крст Велес.

Обуката ја одржаа волонтерот Верољуб Додевски, пензиониран началник на Отсек за превенција во Сектор за внатрешни работи Велес заедно со врсничкиот едукатор Александра Здравевска во просториите на велешки Црвен крст.

Стефани Манева