МЖ исплати плата за април, возовите сообраќаат
Објавено на 5 јуни, 2023 во 18:27
Попладнево националното железничарско претпријатие им исплати плата за месец април на вработените. Возовите сообраќаат.
Исплатата ја изнудија вработените во Работна единица одржување – работилница во подружницата влеча на возови при ЖРСМ Транспорт. Тие утринава одбија да работат. Своите барања им ги испорачаа на раководителите. Работниците бараа исплата на плата за месец април и соопштија дека до исплатата нема да ги одржуваат локомотивите и патничките гарнитури.
Како што дознава Дума.мк денеска на сите вработени во Национални железници на Македонија им е исплатена платата за месец април.
Убавка Јаневска
