На територија на СВР Велес, викендов, спроведени две акциски контроли

На подрачјето на Сектор за внатрешни работи Велес, во саботата, 19 февруари, била спроведена пет часовна акциска контрола за санкционирање на возачи кои управуваат возила под дејство на алкохол.

-Во период од 22:00 до 04:00 часот биле констатирани и санкционирани 14 прекршоци, пишува во дневниот билтен на СВР Велес.

Исто така, во неделата оод 12:00 до 18:00 била спроведена и акциска контрола за возачи кои управуваат возила со брзина поголема од пропишаната. За време на оваа контрола, полициските службеници констатирале и санкционирале 76 прекршоци.

Од Сектор за внатрешни работи Велес информираат дека засилените акциски контроли ќе продолжат и во наредните денови.

Стефани Манева