Во чест на општинскиот празник ставени во функција реконструирани објекти во Неготино
Неготино денеска го слави денот на ослободувањето. По тој повод беше пуштено во работа реконструираното училиште во селото Долни Дисан и реконструираниот центар на селото Војшанци.
Училиштето доби модерен лик, а учениците и наставниците современи услови за работа. Реконструкцијата чинеше 2,7 милиони денари.
Целосно се реконструкција кровната конструкција, а се изгради и нова фасада на училиштето.
Комплетно реконструиран, уреден и асфалтиран центар доби селото Војшанци.
-Извршено е асфалтирање на површина од 1.800 м2 ,асфалтирани се 5 подолги и пократки улици во селото со должина од 300 метри, поставени се бетонски рабници на улиците од 600 метри, а на постоечките тротоари поставени се бекатон плочки на површина од 850 м2“ рече градоначалникот на Неготино, Ванчо Апостолов.
На иницијатива на локалните жители, извршена е и комплетна санација и оспособување на постоечкиот бунар во селото кој сега е во функција на жителите./Б.Н.Т