Одредени нови 22 локации на коишто ќе се постават подземни контејнери во Велес
Објавено: 17 септември, 2021, во 15:48 часот
По поставените први 11 Советот на Општина Велес донесе одлука за поставување на уште 22 подземни контејнери во градот.
За нивното поставување ќе се подготвува техничка документација додека готова е за три подземни контејнери што треба да се постават на улица „8 Септември“, на улица „Алексо Демниевски“ и на улица „Благој Ѓорев“. Овие три локации се дел од претходната одлука на Советот.
Исто така, ЈКП „Дервен“ ќе набави уште две нови возила со зафатнина од 4 м³,за собирање на цврст комунален отпад од потесните улици на градот, во вредност од седум милиони денари.
По поставувањето на подземните контејнери значително се подобри сликата со управувањето со отпадот и јавната чистота на локациите. Позитивни се првичните рекации на јавноста по што општина ќе продолжи да работи на подобрување на условите за собирање на отпадот од јавните површини и домаќинствата, оцени градоначалникот Коцевски.
Убавка Јаневска
