Општина Чашка за прв пат ќе додели стипендии на ученици и на студенти

Четири стипендии на редовни ученици запишани во државните средни училишта, во висина од 1.500 денари, месечно, за девет месеци како и четири стипендии на редовни студенти запишани на државните универзитети, во висина од 2.000 денари месечно за девет месеци ќе додели Општина Чашка. Општината за прв пат објави јавен конкурс за доделување на стипендии.

Целта е да се мотивираат учениците да постигнуваат поголеми резултати во нивното образование.

Јавниот конкурс е објавен денес, а пријавата и потребните документи, кандидатите треба да ги достават најдоцна до 10 август, годинава.

Според конкурсот право на стипендија имаат заинтересирани ученици и студенти кои ги исполнуваат пропишаните услови и ќе достават комплетна документација, согласно конкурсот објавен на веб страната на општина Чашка.

Линк од објавениот Конкурс на општината.

Изборот на кандидатите ќе го врши Комисија формирана од Советот на општина Чашка. Списокот со избраните кандидати ќе биде објавен најдоцна во рок од три дена по истекот на рокот за пријавување, на официјалната страна на Општина Чашка

Убавка Јаневска