Триесет и еден жител на населба Чашка даруваа крв на акција по повод денот на општината

„Успешна е крводарителска акција во Чашка,“  соопшти денеска на Фејзбук, велешката организација на Црвен Крст. Триесет и еден крводарители даруваа исто толку крвни единици. Од нив за првпат крв дарувал еден жител на населбата и станал дел од најхуманото семејство во државата.

„Крводарителската акција се одржа во организација на Црвен крст на РСМ, Општинска организација Велес и Институтот за трансфузиона медицина, а помогнати од Општина Чашка и ООУ „Тодор Јанев“, соопшти велешки Црвен Крст на ФБ .

Крводарителската акција била организирана по повод 21-ви Август, Ден на општина Чашка.

Убавка Јаневска