Успешна крводарителска акција по повод патрониот празник на ОЈУДГ „Димче Мирчев“
Објавено на 6 април, 2022 во 10:23
Втора година по ред, вработените од детската градинка „Димче Мирчев“ од Велес како и родителите на децата, ја покажаа својата хуманост и даруваа крв на крводарителската акција којашто се одржа вчера, 5 април, во просториите на Ликовен салон. Оваа пет часовна хуманитарна акција била организирана по повод патрониот празник на градинката.
За време на акцијата биле дарувани вкупно 37 крвни единици од кои 20 дарувани од жени и десет лица за прв пат дарувале крв и официјално станале дел од најголемото хумано семејство.
Од Општинската организација на Црвен Крст од Велес, информираат дека акцијата била реализирана од страна на четворица волонтери од клубот на млади.
Стефани Манева
Поврзано:
