Вчера вкупно аплицирани 487 вакцини во Велес и велешко

На пунктот за масовна имунизација во спортската сала „Коле Неделковски“ во Велес, вчера, се вакцинирани вкупно 363 граѓани од Велес и соседните општини. Втора доза на вакцината „Синовак“ примиле 352 граѓани додека втора доза на вакцина „АстраЗенека“ 10 граѓани.

Имунизацијата се реализира и на два вакцинални пунктови во Здравствениот дом во Велес. Таму со прва доза на „Синовак“ , вчера, биле вакцинирани 79 граѓани. Со истата вакцина една екипа вакцинирала во домашни услови 7 граѓани.

Во теренска вакцинација што вчера се одвиваше во населбата Горно Оризари  се вакцинирани 39 граѓани. Вака малата бројка на аплицирани вакцини се должи на веќе примена вакцина на поголем број од жителите на оваа населба на вакциналните пунктови во Велес.

Според статистиката на Службата за имунизација на Здравствен дом Велес,вчера, со прва доза на вакцина „Синовак“ се вакцинирани вкупно 125 граѓани. Денот заврши со аплицирани 487 вакцини како прва и втора доза што ги примија граѓаните.

Денеска во теренската вакцинација екипите за имунизација се присутни во селата Сливник и Клуковец во Општина Велес.

Убавка Јаневска