Трибина „Во одбрана на името“ во организција на Повардарската епархија и Мaкедонски манифест, се одржа во Велес!
Први во светот го носевме и го носиме името Македонија и никој нема право тоа да ни го оспори. Ова беше главната порака која преставници од организацијата која се бори за непроменување на името на Република Македонија.
Македонски манифест, синоќа им ја испратија на велешани. Беа гости на трибината која ја организираше владиката Агат Анѓел и Повардарската епархија. Тој во воведниот говор на присутните им порача дека мора да се радуваат на големината и постоењето на нашата татковина.
„Дали пaмтиме што е тоа да се биде Македонец, дали е доволно да имаме само белешка на пасошот на кој ќе го пишува тоа. Мора да се освестиме од атеистичкиот космополитски заборав, да се осмислиме себе си и својата цел. За да се псотигне ова мора на народот да му се врати своето историско чувсвство, а тоа ќе се случи само преку сеќавање од каде потекнува македонската земја, тоа го храни народниот живот, а ако не одговориме на ова нама да живееме туку ќе скапуваме. Овој пат не може да ја заобиколи православната црква најстарата чуварка на живата вера и моралната чистота, бидејќи без нејзината љубов ќе се изгубиме. Она што го цениме и за што размислуваме со радост потекнува од православната вера која ни ја донел апостолот Павле.“, рече Агат Ангел, митрополит на Повардарска епархија.
На трибината за проблемот кој Македонија го има со Грција говореа и интелектуалци членови на групата Македонски манифест. Александар Русјаков ги образложи целите на Македонскиот Манифест и од каде потекнала идејата за негово создавање.
Ние се организиравме за да делуваме надполитички и сакаме да ги обединиме сите Македонци во идејата за зачувување на името и идентитетот на нашата земја. Не прифаќаме за тоа да се излева ниту на референдум бидејќи името не е добиено на референдум. Токму целта на Македонскиот манифест е да се бори против притисоци за да се откажеме од сопствениот име рече Русјаков.
Ефтим Клетников се осврдна на темата Македонија и Македонците во Библијата додека дипломатот Ристо Никовски на тема Меѓународниот фактор и името.
Стефан Влахов Мицов пак потсети на континуитетот на Македонците и идентитетот од антиката до денес.
„Постои само инетерсе, но не и љубов и не се работи дали некој некого сака. Наша задача е да погодиме кога ќе бидеме интересни за они кои носат решенија. Мора да го чекаме тој момент. Кога ќе бидеме интересни, мора да го реализираме, од се друго може само да имаме непродуктивен завршеток“, рече Мицов.
Инаку трибината „Во одбрана на името“ се одржа пре полната сала Бели мугри. Според предавачите мора да се каже Не на политичките манипулации./Б.Н.