Вгодина тазе пензионерите веднаш ќе имаат здравствено осигурување

Наместо за бесплатно лекување да чекаат по шеесет дена, додека ги префлаат од работната во пензионерската организација, вгодина новите пензионери веднаш ќе имаат здравствено осигурување. Тие во овој вакум простор не ќе треба да ја користат алтернативата, на два или три месеци, да станат осигуреник преку  брачниот партнер или да се лекуваат на приватно, да поднесуваат документи во Фондот за здравствено осигурување и потоа да чекаат рефундирање на парите што ги дале за лекарски прегледи, болничко лекување, снимање или друг вид на здравствена услуга.

Да се отстрани оваа административна пречка побарал Сојузот на пензионери. Фондот за здравство направил измени во правилникот што го усвоил Управниот одбор, се согласил и Фондот за ПИОМ. Сега се чека да биде прифатен уште од министерството за здравство.

„Во првите шеесет дена од заминувањето на тазе пензионерот од работа додека го стекне статусот на здравствен осигуреник како пензионер, да биде бесплатно здравствено покриен . Овој проблем го имавме во подрачните единици на Фондот досега го решававме преку рефундации но отценивме дека има полесен начин за да се надмине. Ова ќе биде големо административно олеснување за пензионерите кое го преточивме во правилник и сега се очекува само денот кога ќе стапи на сила,“ рече директорката на Фондот за здравствено осигурување Маја Парнаџиева Змејковска.

Од Фондот за здравствено осигурување се убедени дека новиот правилник ќе почне да важи од мецес јануари 2015 година./Д.С