Патнички воз удри во автомобил на преминот „Порцеланка“
Објавено: 2 јули, 2018, во 15:12 часот
Несреќата се случила утрово, 2 јули, околу 8 часот на железничкиот премин пред поранешна велешка „Порцеланка“ поточно на регионалниот пат Велес – Извор. Во неа учествувало патничко возило марка „Фолксваген-Туран“ со велешки регистерски ознаки кое го управувал С. М. (23 год ) од Мелница и патнички воз кој сообраќал на релација Велес-Битола, управуван од машиновозач С.М.(49) од Скопје.
Автомобилот се движел по патот од правец на Чашка кон Велес.
За среќа нема повредени лица туку е причинета само материјална штета, соопштија од СВР Велес.
На местото на несреќата увид направи екипа на СВР Велес. Резултатите од увидот треба да ги утврдат причините за несреќата што се случи на отворен железнички премин кој поседува знаци, светлосни и звучни сигнали./У.Ј
