Осомничен извршител за незаконска продажба на дел од стоковната куќа на „Велеспром“
Објавено: 6 декември, 2013, во 14:03 часот
Велешката полиција ја осомничи педесет и едно годишната Ј.Ѓ.од Скопје која во својство на Извршител лани на 12 ноември сторила кривично дело злоупотреба на службената положба и овластување.
Пријавената постапувајќи по барање на заложниот доверител Тутунска банка АД Скопје, спровела присилно извршување врз имот на АД „Велеспром“, врз основа на нотарски акт од 2005 година и продала дел од стоковната куќа во центарот на Велес со површина од 722м2, кој не бил оптоварен со залог.
Таа на овој начин го оштетила „Велеспром“ со износ од 7 милиони и 515 842 денари, во корист на доверителот Тутунска банка АД Скопје./Б.Н
