Submit to FacebookSubmit to Google PlusSubmit to TwitterSubmit to LinkedIn

GORSKI fin

Постари велешани, кои биле собеседници и сведоци на спортскиот живот на Велес,испратија  свои сеќавања преку кои даваат придонес во статиите што ги објавивме и ги посветивме на Спортските клубови во нашиот град, во периодот помеѓу двете светски војни. Податоците што ги добивме од проф. д-р Тодор Јакимов и од Стојна Стојадиновиќ се досега не објавени и до нив тешко можеше да се дојде ако тие не ги напишаа.

Текстов ќе го започнеме со малку познатите иформации, од овој перод во градот, што проф. д-р Јакимов, ни ги стави на располагање. Нив изворно ги пренесуваме:

„На левата страна од ,,Стар мост”, на Вардар, на самиот почеток од раскрсницата на Сарачката чаршија и улицата што води кон Читкушова чешма постоеше една квадратна широчина со дуќани, сите еднакви, наоколу наредени во форма на буквата „П“,лево и десно по 3, а во челото 5 дуќани, од кои во средниот беше сместена музичката секција на клубот ,,Горски”.

Тие дуќани веднаш по војната беа срушени и изградена еднa гломазна сива зграда која и денес постои на тоа место, позната под мето ,,Малина”. Сликата која ја објавувате е направена токму пред таа просторија на клубот „Горски“, каде што по цел ден играв. Бев страствен навивач, ,,фан”, на клубот ,,Горски”, уште од мал и не прoпуштив ниту еден негов натпревар. Бев таму и секоја вечер, токму пред таа просторија, во која по затворање на чаршијата се собираа членовите кои вежбаа и се забавуваа со мандолините во раце. Ги познавав скоро сите членови кои ги наведувате во статијата, а дел од нив се и на фотографијата. Повеќето беа дуќанџии од чаршијата. Дресовите на ,,Горски” беа жолти, со црни вертикални линии, додека фудбалерските гаќички имаа црна боја.

Клубот “Слога” беше монополски, имаше свои простории и сопствено игралиште веднаш пред велешкиот Монопол, каде фудбалерите ги играа натпреварите. За време на војната, монополската власт, игралиштето меѓу монополот и управната зграда го претвори во парк со зеленило. Клубот не беше многу омилен, барем за нас навивачите на ,,Горски”. Дресовите на клубот ,,Слога” беа црвени а фудбалерте носеа бели гаќички.

Клубот ,,Будуќност” беше составен претежно од членови - занаетчии од чаршијата, повеќето од нив имаа дуќани на левата страна на градот. Тоа беа симпатични момчиња, вредни на работа а надвор од работното време посветени на фудбалот. Тие сами се грижеа за спортската опрема: дресови, гаќички, кондури и топки. Таков беше случајот скоро со сите клубови. Кондурите им ги правеа кондураџии во Сарачка чаршија. Дресовите на ФК ,,Будуќност” беа слични како сегашните на ,,Барцелона”, со вертикални вишно-сини линии.

Клубот ,,Напредок” е меѓу најстарите и сосема коректно е прикажан во статијата,меѓутоа во периодот по 1930 година клубот како да се разводни, да се осипа.

 

Втората Ваша приложена слика е од клубот ,,Победа” . Тоа беше клуб на Којничани со најголем број на фудбалери - играчи кои живееја на Којник. Имаше своја клупска просторија во тогашниот градски парк на локација на која денеска се наоѓа Здравствениот дом. Во центарот на паркот постоеше српски споменик на Јован Бабунски. На педесетина метри од споменикот беше осамената парковска просторија на клубот. Тука вежбаше и нивната музичка секција. Дресовите на клубот „Победа“ беа бели, со хоризонтална црвена линија на градите.

Сите пет клуба во тој период беа активни, играа градски натпреаври, но и со гостински клубови од околните градови. Во секоја недела, како посебен ден од седмицата, се играше фудбалски натпревар во Велес.

По 1930 година фудбалското игралиште беше на околу стотина метри под тогашната касарна, од левата страна на прилепското џаде. Имаше дури и мала дрвена трибина на централниот дел. Таа локација, денеска, би се наоѓале помеѓу ООУ ,, Блаже Конески“ и Заводот за здравствена заштита, Хигиенски.

Подоцна и за времена војната игралиштето беше преместено погоре, на левата страна на истото џаде, во непосредна близина на денешен ,,Брако”, на местото на кое се наоѓаше поранешната ,,Пожарна“, напиша проф. д-р Јакмов.

Благодарност за ове сеќавања на проф. Јакимов. Искрено се надеваме и ја очекуваме неговата идна соработка за продуцирање на што повеќе материјали кои вредат да бидат забележани, обелоденети пред јавноста и архивирани како сеќавања како за времето кое е дел од спортската така и за градската историја на Велес.

Сличен допис ни испрати и велешанката, Стојна Стојадиновиќ. Таа е ќерка на Јордан Лазаревски – Цвајот, кој се споменува како играч на ФК ,,Победа”. Во текстот, што ни го испрати, Стојадиновиќ напиша:

,, Не можам да ви опишам какви емоции предизвикавте кај мене додека го читав написот за ,,Партал- Победа”, особено споменот за татко ми Јордан Лазаревски. Затоа ви ги ставам на располагање следниве податоци. Татко играл како лев бек, а прекарот ,, Цвај” го добил поради тоа што играл и истовремено вредел како за двајца фудбалери . Имал многу јак шут. Без разлика што бил одбрамбен играч тој од таа одбрамбена линија, без да дојде до еднаесетерецот, успевал да ги полни мрежите на противниците. Татко дал многу голови.

Нему, фановите и верните навивачи, му ги пеале следниве зборови:
,,Цвајче, бекче, пенал пуца - гол збуца!``.

FUDBALERII fin

Сликата што ја објавивте на која го прикажавте тимот на велешка ФК ,,Победа“ и јас ја имам. Фудбалерот кој клечи од десната страна до голманот е татко ми Јордан Лазаревски Цвајот. Ви благодарам за потсетувањето и за спомените кои ги разбудивте кај мене, моето семејство, семејствата на тогашните фудбалери и на сите наши сограѓани кои живееле тогаш и до ден денешен живеат за фудбалот во Велес. Особено благодарам што оставате пишани документи и секако траги за личности во нашиот град, за настани што вредат да бидат запишани, да се препрочитуваат додека се пишуваат нови и да бидат достапни документи, ” напиша Стојна Стојадиновиќ.

Овие две писма, ме поттикнаа, денешната статија да ја завршам со следниве неколку збора.Спомените и сеќавањата се во нас, тука некаде, само треба мотив и поттик да се повратат.Доколку имате некој нов момент, спомен или укажување, Ве молам слободно обратете се, добредојдени сте. Она што особено треба да го имаме се и фотографиите. Доколку ги имате и со нив може да се илустрира напишаново или пак ново пишување на текст, ставете ни ги на располагање, ние ќе ви ги вратиме.


Вашиот Љупчо Данов,
хроничар

 

 

 

SEMM baner MK

Поврзани вести

banerduma

 

Duma Banner

ezgif.com video to gif1

baner i od veles se moze

E baner

Konsalting Jovevi

Согласно член 4 од Правилникот за условите, начинот и постапката за користење на финансиски средства од Буџетот на Општина Велес за субвенционирање на физички лица од подрачјето на Општина Велес за купен велосипед (Службен гласник на Општина Велес бр. 06/20), а во врска со Одлуката за определување на максимален износ на доделување на поединечна субвенција на физичко лице за купен велосипед за 2020 година (Службен гласник на Општина Велес бр. 06/20), Општина Велес објавува

ЈАВЕН  ПОВИК

за субвенционирање на физички лица за купен велосипед за 2020 година

 

  1. Опис на јавниот повик

 

Општина Велес на физичките лица кои ќе купат велосипед од денот на објавувањето на јавниот повик 27.05.2020г., заклучно со 26.06.2020г. ќе им субвенционира дел од трошоците направени при купување велосипед.

На барателот ќе му се надоместат дел од трошоците направени при набавка на велосипед во висина од 50% од вредноста на велосипедот, но не повеќе од 3.000,00 денари по лице, со вклучен персонален данок на доход.

Јавниот повик ќе се реализира по принципот „прв дојден, прв услужен“.

  1. Право на учетво на јавниот повик

 

Право на учество на овој Јавен повик имаат физички лица кои ќе купат велосипед од денот на објавата на јавниот повик па се до 26.06.2020г., ќе поднесат барање за надоместување на дел од трошоците за набавка на велосипед, а кои ги исполнуваат условите од овој Јавен повик.

  1. Услови што треба да ги исполни барателот

Физичкото лице/барател е должно да ги исполни следниве услови:

  • да е жител на Општина Велес,
  • да нема добиено финансиски средства за набавка на велосипед од било кој извор во Република Северна Македонија (не го искористил правото на субвенционирање по овој основ),
  • велосипедот да го купил од денот на објавување до денот на завршување на Jавниот повик, односно до исцрпувањето на буџетот за оваа намена,
  • купениот велосипед да не биде помал од 24” (инчи), односно 60,96 санитметри, односно да одговара на популација деца кои не се помали од 8-9 години.
  1. Начин на пријавување на јавниот повик

Барателот за добивање субвенција е должен да ја поднесе следната документација:

  • Барање за субвенција (Барањето може да се подигне во архивата на Општина Велес или да се обезбеди од интернет страницата на Општината: www.veles.gov.mk),
  • фотокопија на важечка лична карта на барателот, како доказ дека е жител на Општина Велес,
  • фотокопија од трансакциска сметка на барателот,
  • доказ дека е извршено купување на велосипед и тоа: фискална сметка во оригинал или фактура со извод од деловна банка, со датум од денот на објавувањето до денот на завршувањето на Jавниот повик, односно до денот на исцрпување на средствата по овој основ,
  • изјава дека барателот нема искористено право на поврат на средства за набавка на велосипед на друг јавен повик од било кој извор во Република Северна Македонија (Изјавата може да се подигне во архивата на Општина Велес или да се превземе електронски од веб страната на општината).

            Едно физичко лице може да поднесе само едно барање за добивање на субвенција за еден велосипед.

Барањето за надоместување на дел од трошоците  за купен велосипед, заедно со потребната документација се поднесува во архивата на Општина Велес, на ул. Панко Брашнар бр. 1 Велес, секој работен ден од 07.30 до 15.30 часот, во затворен плик.

На пликот треба да е наведено: “Јавен повик за надоместување на дел од трошоците на физички лица за купување велосипед”.

Архивата на Општина Велес примените барања ќе ги евидентира со точното време на поднесување (датум, час и минута), заради воспоставување редослед по кој ќе се разгледуваат барањата.

  1. Начин на спроведување на Јавниот повик

 

За спроведување на Јавниот повик, Градоначалникот формира Комисија за спроведување на постапката за субвенционирање на физички лица за купен велосипед.

Општина Велес дополнително ќе ја извести јавноста за продолжување на рокот и по изминување на рокот од овој Јавен повик заради целосно исцрпување на средствата.

Финансиските средства ќе се сметаат за исцрпени односно доделени кога на предлог на Комисијата, Градоначалникот на Општина Велес ќе донесе решение за исплата на средствата.

  1. Начин на остварување на правото на надоместок

Градоначалникот на Општина Велес на предлогот на Комисијата носи решение за одобрување на барањето за барателите кои ги исполниле условите согласно Јавниот повик и исплата во рок од 30 дена од објавувањето на листата на физички лица за кои е донесено решение за одобрување на барањето. Уплатата на персоналниот данок на доход кој се одбива од доделената поединечна субвенција ќе ја изврши Општина Велес.  

Градоначалникот на Општина Велес на предлог на Комисијата носи решение за одбивање на барањето во рок од 20 дена од денот на завршувањето на јавниот повик за барателите кои не ги исполниле условите од јавниот повик.

 

 

 

                                                                   ОПШТИНА ВЕЛ

Согласно член 4 од Правилникот за условите, начинот и постапката за користење на финансиски средства од Буџетот на Општина Велес за субвенционирање на физички лица од подрачјето на Општина Велес за купен сончев термален колектор (Службен гласник на Општина Велес бр. 06/20), а во врска со Одлуката за определување на максимален износ на доделување на поединечна субвенција на физичко лице за купен сончев термален колектор за 2020 година (Службен гласник на Општина Велес бр. 06/20), Општина Велес објавува

ЈАВЕН  ПОВИК

за субвенционирање на физички лица за купен сончев термален колектор

за 2020 година

 

  1. Опис на јавниот повик

 

Општина Велес на физичките лица кои ќе купат сончев термален колектор од денот на објавувањето на јавниот повик 27.05.2020г., заклучно со 26.06.2020г. ќе им субвенционира дел од трошоците направени при купување сончев термален колектор.

На барателот ќе му се надоместат дел од трошоците направени при набавка на сончев термален колектор во висина од 50% од вредноста на сончевиот колектор, но не повеќе од 20.000,00 денари по лице, со вклучен персонален данок на доход.

Јавниот повик ќе се реализира по принципот „прв дојден, прв услужен“.

  1. Право на учетво на јавниот повик

 

Право на учество на овој Јавен повик имаат физички лица кои ќе купат сончев термален колектор од денот на објавата на јавниот повик па се до 26.06.2020г., ќе поднесат барање за надоместување на дел од трошоците за набавка на сончев термален колектор, а кои ги исполнуваат условите од овој Јавен повик.

  1. Услови што треба да ги исполни барателот

Физичкото лице/барател е должно да ги исполни следниве услови:

  • да е жител на Општина Велес,
  • да нема добиено финансиски средства за набавка на сончев термален колектор од било кој извор во Република Северна Македонија (не го искористил правото на субвенционирање по овој основ),
  • сончевиот термален колектор да го купил од денот на објавување до денот на завршување на јавниот повик, односно до исцрпувањето на буџетот за оваа намена,
  • сончевиот термален колектор да биде инсталиран на адресата на живеење наведена во личната карта на барателот,
  • станбениот објект да не е во фаза на градба и во него барателот да живее,
  • само едно лице од домаќинството може да поднесе барање за добивање на надоместок.
  1. Начин на пријавување на јавниот повик

Барателот за добивање субвенција е должен да ја поднесе следната документација:

  • Барање за субвенција (Барањето може да се подигне во архивата на Општина Велес или да се обезбеди од интернет страницата на Општината: www.veles.gov.mk),
  • фотокопија на важечка лична карта на барателот, како доказ дека е жител на Општина Велес,
  • изјава дека барателот и членовите на неговото семејство/домаќинство немаат искористено право на поврат на средства за набавка на сончев термален колектор на друг јавен повик од било кој извор во Република Северна Македонија (Изјавата може да се подигне во архивата на Општина Велес или да се превземе електронски од веб страната на општината),
  • фотокопија од трансакциска сметка на барателот,
  • доказ дека е извршено купување на сончев термален колектор и тоа: фискална сметка во оригинал или фактура со извод од деловна банка, со датум од денот на објавувањето до денот на завршувањето на јавниот повик, односно до денот на исцрпување на средствата по овој основ,
  • потврда за платен данок на имот за станбениот објект каде е инсталиран сончевиот термален колектор заклучно со претходната година пред објавување на јавниот повик.

Барањето за надоместување на дел од трошоците за купен сончев термален колектор, заедно со потребната документација се поднесува во архивата на Општина Велес, на ул. Панко Брашнар бр. 1 Велес, секој работен ден од 07.30 до 15.30 часот, во затворен плик.

На пликот треба да е наведено: “Јавен повик за надоместување на дел од трошоците на физички лица за купување сончев термален колектор”.

Архивата на Општина Велес примените барања ќе ги евидентира со точното време на поднесување (датум, час и минута), заради воспоставување редослед по кој ќе се разгледуваат барањата.

  1. Начин на спроведување на Јавниот повик

 

За спроведување на Јавниот повик, Градоначалникот формира Комисија за спроведување на постапката за субвенционирање на физички лица за купен сончев термален колектор.

Општина Велес дополнително ќе ја извести јавноста за продолжување на рокот и по изминување на рокот од овој Јавен повик заради целосно исцрпување на средствата.

Финансиските средства ќе се сметаат за исцрпени односно доделени кога на предлог на Комисијата, Градоначалникот на Општина Велес ќе донесе решение за исплата на средствата.

  1. Начин на остварување на правото на надоместок

По секое поединечно комплетно барање, Комисијата врши увид дека колекторот е купен и инсталиран во живеалиштето според личната карта на барателот, дека станбениот објект не е во фаза на градба и во него барателот живее.

Барателот е должен да и овозможи пристап на Комисијата до станбениот објект и просторот каде е инсталиран сончевиот термален колектор.

Од извршениот увид Комисијата изготвува записник со приложена фотодокументација.

Градоначалникот на Општина Велес на предлог од Комисијата носи решение за одобрување на барањето за барателите кои ги исполниле условите согласно Јавниот повик и исплата во рок од 30 дена од објавувањето на листата на физички лица за кои е донесено решение за одобрување на барањето.

Уплатата на персоналниот данок на доход кој се одбива од доделената поединечна субвенција ќе ја изврши Општина Велес.  

Градоначалникот на Општина Велес на предлог на Комисијата носи решение за одбивање на барањето во рок од 20 дена од денот на завршувањето на Јавниот повик за барателите кои не ги исполниле условите од овој Јавен повик.

 

 

 

                                                                    ОПШТИНА ВЕЛЕС

 
   
   
   
   

Најново