(Видео и фото) Д-р Трајкова: Во последните две недели зголемен интересот на Велешани за вакцинација против сезонски грип

Во Центар за јавно здравје Велес за 15 дена вакцинирани се 1.000 граѓани со вакцина за сезонски грип. Во првите денови, по 25 октомври, дневно се вакцинираа по 60 Велешани на два отворени вакцинални пунктови во јавната здравствена установа. Сега се вакцинираат по 90 граѓани и граѓанки. Во Центар за јавно здравје Велес отворен е и трет вакцинален пункт.

Д-р Билјана Трајкова специјалист епидемиолог и началничка на епидемиолошката служба во разговор за Дума.мк информира и за потребата од заштита од сезонски грип особено за ризичните групи на граѓани .

Вакциналните пунктови во Центар за јавно здравје Велес се наоѓаат на третиот кат и по потреба, за повозрасни или болни граѓани, вакцината се аплицира на приземјето во зградата. Вакцината е бесплатна и за неа се аплицира за термин преку матичен лекар или на страницата vakcinacija.mk.

Убавка Јаневска