(Видео и фото) Манасков: Денот на нашиот патрон Блаже Конески посветен е на најзначајната личност од современата македонска историја
![](https://duma.mk/wp-content/uploads/2023/12/Blaze-Koneski-3-1.png)
Знаењето е главното оружје на човекот во 21 век со кое може да се брани и да освојува, да владее и да служи, да создава и да прави промени. На 21 декември, денот на патрониот празник на ООУ „Блаже Коневски“, директорот Јованче Манасков потсети на ликот и делото на патронот притоа потенцирајќи ја неговата заслуга и придонес за значењето на македонскиот јазик којшто е суштествен дел од идентитетот и државотворноста на македонскиот народ. Исто така Манасков ги издвои и сите успесите што училиштето, поточно учениците и наставниците, ги постигнаа во годината која изминува. Особено знаењата стекнати во образовниот процес во прилагодување на современиот начин на живеење кое создава нови генерации на едуцирани граѓани подготвени да носат мудри одлуки и сплотено да живеат во локалната заедница.
![](https://duma.mk/wp-content/uploads/2023/12/Blaze-Koneski-2-1.png)
На свечена манифестација под мотото „Снегулки рој, желби безброј“ стотина ученици учествуваа во програмата по повод одбележување на Патрониот празник на училиштето. Учениците изведоа перформанси, пееја и танцуваа во пресрет на новогодишните и божиќните празници. Му напишаа и писмо на Дедо Мраз.
![](https://duma.mk/wp-content/uploads/2023/12/Blaze-Koneski-4-1.png)
Манифестацијата, којашто вчера вечер се одржа во поливалентниот простор на училиштето. Просторот беше претесен за покажаниот интерес на родителите и семејствата како и поканетите гости.
![](https://duma.mk/wp-content/uploads/2023/12/Blaze-Koneski-5.png)
Учениците го славеа својот патрон низ специјално подготвени програмски целини во кои доминираше пораката за стекнување на што поголеми и пошироки знаења за нив да создадат иднина за својот град, Велес и за својата држава, Македонија.
![](https://duma.mk/wp-content/uploads/2023/12/Blaze-Koneski-6.png)
Во специјално креирани новогодишни костими и на посебно избрани песни учениците изведоа повеќе кореографии. Сите се радуваа на доаѓањето на Нова Година и на Дедо Мраз. Тие на сите присутни им ја подарија нивната рачно изработена честитка по повод новогодишните празници на чија предна страница е испишана пораката „Снегулки рој – желби безброј“ којашто беше и мото на програмата со која се одбележа 41 годишнина од формирањето на нивното училиште.
Убавка Јаневска
![](https://duma.mk/wp-content/uploads/2021/05/SEMM.jpg)