Во недела, крводарителска акција посветена на Рацин

Велешки Црвен крст ги поканува сите заинтересирани граѓани да земат учество на крводарителската акција којашто ја организираат во чест на Коста Солев Рацин во склоп на 61-то издание на Рацинови Средби. Акцијата ќе биде одржана во недела, на 2 јуни, во Ликовен салон.

-Со дарувањето да дадеме наш придонес за јавното здравје. Како што Рацин стана бесмртен со своејата поезија, така и ние да спасиме што повеќе животи. Крводарителството е врвен чин на хуманост. Биди хуман, дарувај крв, спаси нечиј живот, велат од Црвен крст Велес.

Крводарителската акција ќе започне во 08:30 часот и ќе трае до 15:00 часот.

Стефани Манева