Државниот испитен центар стапи во штрајк, неизвесно е полагањето на матурата
Синдикалната организација на Државниот испитен центар, СОДИЦ-СФДМ, од вчера, 24 април 2023 година, стапи во Генерален штрајк, поради не добивање на согласност на Барањето за изменување и дополнување на колективниот договор од страна на Министерството за финансии, a со цел заштита на економските и социјални права на своите членови.
„Сите процеси кои се во надлежност на Државниот испитен центар (Државна матура, државно тестирање, обука и испит за директори, приправнички испити, меѓународно тестирање ТИМС итн.) ќе бидат запренидо добивање на согласност од Министерството за финансии. Сите 29 вработени се членови на синдикатот и состојбата на штрајк која би траела подолго од 1 недела би значела невозможност да се спроведе државната матура. Апелираме Министерството за финансии ИТНО да даде согласност на веќе потпишаните измени на колективниот договор со кој вработените би добиле достоинствени плати, во овој момент 11 од вкупно 29 вработени на различни позиции се изедначени и имаат минимална плата од 20 000 денари,“ соопштија од Државниот испитен центар.
Дума.мк
