ЕУ обезбедува дополнителни 110 милиони евра хуманитарна помош за поддршка на Украинците

Европската унија обезбеди дополнителни 110 милиони евра хуманитарна помош за поддршка на Украинците погодени од војната, од кои 100 милиони евра ќе одат за Украина, а 10 милиони за поддршка на бегалците во Молдавија.

Европската комисија (ЕК) во соопштението наведе дека хуманитарната ситуација во Украина и понатаму е тешка и дека почетокот на зимата претставува „дополнителни предизвици за и онака ранливите заедници погодени од војната“.

Со новата помош ќе се обезбеди обезбедување на основни услуги како парична помош, храна, вода, засолниште, здравствена заштита, психосоцијална поддршка и заштита“, се наведува во соопштението.

ЕУ испрати вкупно 843 милиони евра како одговор на руската војна во Украина. Тоа вклучува 785 милиони за Украина и 58 милиони за бегалците кои избегаа во соседна Молдавија.

Преку Механизмот за цивилна заштита на ЕУ, сите 27 земји на ЕУ, плус Норвешка, Турција, Северна Македонија, Исланд и Србија, понудија помош во натура, од медицински материјали и засолништа до возила и енергетска опрема. Досега преку Механизмот во Украина се испорачани 97.000 тони помош, пренесува „Танјуг“.

Дума.мк