ЕУ во фокусот на средбата Груевски – Даниелсон
Објавено на 7 февруари, 2014 во 09:26
Европските интеграции на Македонија биле во фокусот на разговорот на средбата во Скопје меѓу премиерот Никола Груевски и генералниот директор на Директоратот за проширување на Европската Комисија, Кристијан Даниелсон.
Груевски, како што информираа од Владата, ги истакнал реформите кои се преземаат на патот кон ЕУ.
Даниелсон искажал интерес за приоритетните области кои Владата планира да ги преземе во следниот период, а во пресрет на есенскиот извештај за напредок. Тој денеска на правниот факултет ќе одржи предавање на тема „Предизвиците на проширувањето на ЕУ“.