Импресивна но и застрашувачка глетка на брегот на Халкидики во Грција

Импресивна, но во исто време и застрашувачка „водена пијавица“ се формирала во неделата наутро во близина на брегот на полуостровот Халкидики во Грција.

Туристите на плажата Ксенија, во близина на селото Палиури на југот на полуостровот, веднаш ги зграпчија телефоните за да ја овековечат спектакуларната глетка, а снимката брзо се прошири на социјалните мрежи.

Είπαμε σαν τη Χαλκιδική δεν έχει… και μας έπιασε στο στόμα του ο ακατανόμαστος! Από Παλιούρι το βίντεο μου το έστειλε παρέα φίλων και με ενημέρωσε ότι αρχίσαν τα ευχέλαια να ξορκίσουν τον υδροστρόβιλο και να τον στείλουν πουθενά που θα πιάσει τόπο! #υδροστροβιλος pic.twitter.com/SjOYx5bIbh

— Stefanos Damianidis (@dstefanos) August 14, 2022

Имено, „пијавицата“ се појавила во текот на денот и во комбинација со високата температура и влажноста формирала вртлог помеѓу „облакот од бура“ и површината на морето.

Главната причина за оваа појава е големата температурна разлика помеѓу водните површини и горните слоеви на атмосферата.

Иако се послаби од торнадата, тие имаат брзина на ветер поголема од 100 километри на час, но кога ќе стигнат до копно, тие се распрснуваат.