Средба на претседателот Пендаровски со претставници на Македонската асоцијација на туристички водичи и придружници
Објавено: 21 февруари, 2022, во 12:30 часот
Претседателот Стево Пендаровски денеска прими претставници на Македонската асоцијација на туристички водичи и придружници.
Претставниците на асоцијацијата го запознаа претседателот Пендаровски со нивната работа и заложбите за создавање на услови за квалитетно едуцирање на туристички водичи и придружници, со цел обезбедување квалитетни и професионални услуги. Исто така, претставниците на асоцијацијата претставувајќи ги активностите во насока на подобрување на позицијата на водичите и нивната професија, посочија дека немаат регулиран статус, а со тоа и здравствено и пензиско осигурување.