Укинувањето на задолжителното носење маски, не значи дека пандемијата е завршена, велат надлежните
![](https://duma.mk/wp-content/uploads/2022/04/people-5099118_1280-1024x682.jpg)
Деновиве Главниот координативен кризен штаб се очекува да ги разгледа препораките за олабавување на ковид мерките на Комисијата за заразни болести, а потоа да бидат усвоени на следната владина седница.
Новите препораки кои се во насока на олабавување на рестрикциите според надлежните , не значат дека пандемијата е завршена.
Укинување на мерката за задолжително носење на маски во затворен простор со исклучок на здравствените установи, домовите кои згрижуваат постари лица, аптеките и јавниот превоз, како и укинување епидемиолошкото следење на контактите и последователната препорака за изолација на контактите, се препораките кои на последниот состанок ги донесе Комисијата за заразни болести.
Досега во земјата се направени вкупно 1.976.805 тестирања на КОВИД-19. купната бројка на КОВИД-дијагностицирани лица во нашата земја од почетокот на епидемијата изнесува 307.344, бројот на оздравени пациенти е 296.574, на починати е 9.236, а бројот на активни случаи изнесува 1.534
![](https://duma.mk/wp-content/uploads/2021/05/SEMM.jpg)