Мистеријата околу писмото на кралицата Елизабета кое ќе биде отворено дури во 2085 година

Никој не знае што напишала Елизабета…

Специјално писмо напишано од покојната кралица Елизабета Втора стои скриено во трезор во Австралија и не може да се отвори уште 63 години.

Белешката на нејзиното височество е напишана за жителите на Сиднеј и се чува тајно во една од зградите на кралицата Викторија.

Писмото е во зградата речиси 36 години. Кралицата ја напишала пораката во ноември 1986 година при државна посета на Австралија.

Ниту персоналот на кралицата не знае што пишува во пораката, освен строгите упатства на предната страна, во кои се наведува кога треба да се отвори.

„Поздрав. На поволен ден по ваш избор во 2085 година од нашата ера, ве молиме отворете го овој коверт и доставете ја мојата порака до граѓаните на Сиднеј“, стои во упатството.

Британската монархија останува на чело на државата во Австралија, а кралот Чарлс во земјата е претставен од Дејв Харли, генерален гувернер на земјата.

Покојната кралица како владетел на земјата можеше да биде укината во 1999 година, кога во земјата се одржа референдум за формирање на република. Гласачите се одлучија против промената, при што 54 отсто од населението изјавија дека би сакале кралицата да остане на чело на нивната земја.

Нејзиното Височество ја посети Австралија 16 пати додека беше на тронот, со нејзината прва посета во 1954 година, само две години откако стана кралица – по смртта на нејзиниот татко, кралот Џорџ.

Кога кралицата првпат ја посети земјата во 1954 година, таа беше првиот владејачки монарх што стапна на австралиска почва.

Принцот Вилијам и Кејт Мидлтон – сега принцот и принцезата од Велс – исто така требаше да патуваат во Австралија во 2020 година, но беше откажано поради пандемијата со Ковид-19.